Man kritiek ná ontploffing by Pta-fabriek

Foto: Verskaf.

ʼn Man in sy 30’s is in ʼn kritieke toestand per helikopter na die Milpark-hospitaal in Johannesburg gehaas nadat daar ʼn ontploffing plaasgevind het in die fabriek in Pretoria waar hy werksaam is.

Xander Loubser, woordvoerder en paramedikus van Best Care-ambulansdienste, het aan Maroela Media gesê hulle het die man op die toneel gestabiliseer en na die skouterrein vervoer waar hy deur ʼn mediese helikopter opgelaai is.

“Hy het baie ernstige wonde aan sy gesig, bolyf, borskas, arms en die res van sy lyf opgedoen. Ons moes ʼn aar in sy been kry om die drup in te sit,” het Loubser gesê.

Volgens hom is niemand anders tydens die voorval beseer nie. “Dit blyk dat ʼn gasbottel ontplof het,” het Loubser gesê.

Johan Pieterse, woordvoerder van die Tshwane-nooddienste, het aan Maroela Media gesê die brandweer is tans op die toneel aangesien die brand weer opgevlam het. “Dit gebeur gereeld, dit lyk of alles geblus is, …

Read more
  • 0

Peu Capital Partners en Tshwane Stadsraad kontrak ongeldig

‘n Volle regbank van die Noord Gautengse Hooggeregshof het beslis dat die R950 miljoen kontrak vir voorafbetaalde elektrisiteit meters ongeldig is. Reeds in 2012, toe die tender onder ANC beheer toegeken is, is vrae gevra oor die regsgeldigheid van die kontrak. Die R950 miljoen wat in trust geplaas is moet nou uitbetaal word aan die Raad en die Raad moet voorleggings maak hoe alle bande met Peu en TUMS ontbind gaan word. Deur: Die Vryburger
Read more
  • 0

‘Kaper’ in Pta doodgeskiet

Die polisie en paramedici op die toneel. Foto: Verskaf

ʼn Vermeende kaper is Vrydagmiddag deur ʼn beampte van die Tshwane-metropolisie in Pretoria doodgeskiet.

Nonhlanhla Mgiba, woordvoerder van die metropolisie, het gesê die voorval het omstreeks 13:30 in Hercules in die weste van Pretoria plaasgevind terwyl beamptes met ʼn roetine patrollie besig was.

“Beamptes het vier verdagtes in ʼn groen Toyota Corolla in die omgewing opgemerk. Beamptes van die dwelmeenheid het die voertuig voorgekeer met doel om die insittendes te ondervra en te deursoek,” het Mgiba gesê.

Volgens Mgiba het beamptes die voertuig genader, waarna een van die insittendes glo ʼn 9 mm-pistool probeer hanteer het. “Dit het een van die beamptes genoop om die verdagte uit selfverdediging te skiet.”

Die verdagte is deur paramedici van Best Care-ambulansdienste op die toneel dood verklaar. Xander Loubser, woordvoerder, het gesê die man, in sy laat 20’s, was r…

Read more
  • 0

Dooie leeus in Pta-reservaat gevind

Argieffoto

Die karkasse van twee leeuwyfies is vandeesweek in die Rietvlei-natuurreservaat in Pretoria aangetref.

Selby Bokaba, woordvoerder van die Tshwane-metro, het Vrydag gesê die een leeu se karkas is Donderdag teen 13:30 tydens ʼn leeutoer aangetref. “Sy het bloed op haar neus gehad en bewyse dui daarop dat sy moontlik vergiftig is,” het Bokaba gesê.

“Personeel by die reservaat het daarna begin om die res van die leeus vir hul veiligheid na ʼn kleiner kamp te skuif. Daar is toe besef dat ʼn ander leeuwyfie, Serabi, vermis word. Sy is teen 18:00 dood in die noordoostelike gedeelte van die leeukamp aangetref. Twee dooie kraaie is naby die karkas gevind.”

Die polisie se veediefstaleenheid het ʼn ondersoek van stapel gestuur en op stukke vleis met wit korrels op in die veld afgekom. Die twee karkasse en stukke vleis is na die Onderstepoort Veterinêre Akademiese Hospitaal in die noorde van die Pretoria geneem vir ontleding en …

Read more
  • 0

Nóg ʼn herrie oor Steve-video

Die Burgerlugvaartowerheid (BLO) het bevestig ʼn ondersoek is van stapel gestuur nadat klagtes ontvang is dat ʼn hommeltuig glo onregmatig gebruik is in die vervaardiging van Steve Hofmeyr se jongste musiekvideo, “Feeslied”.

Die musiekvideo is verlede Dinsdag in die aansluiting van Sefako Makgatho-rylaan (voorheen Zambesi-rylaan) en die N1-wisselaar verfilm. Hofmeyr en sy span het ʼn “flash mob” gereël om beeldmateriaal te skiet.

Verkeer is vir nagenoeg drie minute tot ʼn stilstand gebring terwyl hy vir niksvermoedende motoriste gesing het. Hy is daarna as deel van die video deur Tshwane-metropolisiebeamptes “in hegtenis geneem”, wat sosialemediagebruikers laat gons het.

Hofmeyr het kort ná die voorval aan Maroela Media gesê hoewel hy van die toneel af weggelei is, is hy nie in hegtenis geneem nie en alles was vooraf beplan. Hofmeyr het gesê hulle het vyf kameras gehad, talle mense het selfoonvideo’s geneem en daar was selfs ʼn hommeltuig.

Die video i…

Read more
  • 0

Pretoria-slimmeters: Hof sê oor kontrak

Foto: Argief

’n Volbank regters in die hooggeregshof in Pretoria het vandag beslis dat die kontrak tussen die Tshwane-metroraad en PEU Capital Partners (PEU) onreëlmatig is en dat die gevolge daarvan nietig is.

Dit het byna vier jaar geneem om hierdie punt te bereik, maar AfriSake het daarin geslaag om die betaling van R950 miljoen deur die Tshwane-metroraad aan PEU te verhoed.

Die beslissing is met koste ten gunste van AfriSake gemaak, wat aangevoer het dat die kontrak nie voldoen aan die vereiste tender- en verkrygingsprosedures, soos voorgeskryf deur die Grondwet en verkrygingswetgewing, nie.

Aanvanklik is die aansoek teen sowel die Tshwane-metroraad as die PEU ingedien, maar ná die regimeverandering van die ANC na die DA in Augustus 2016 het die stad sy standpunt verander en AfriSake se aansoek ondersteun.

“Ons is baie tevrede met vandag se hofuitspraak. Die Tshwane-metroraad moes nooit die kontrak met PEU geslui…

Read more
  • 0

Krugerdag herdenk by die Helde-akker in Pretoria

Krugerdag is gister herdenk by die Helde-akker in Pretoria. Die Krugergenootskap reël jaarliks dat familie, organisasies en individue kranse lê op die grafte van wyle pres. Paul Kruger, asook op verskeie ander heldefigure uit die Afrikaner se geskiedenis. Ook CVO-skole neem jaarliks aan die geleentheid deel om sodoende ook die kinders te leer van volkshelde van die geskiedenis. Die leerlingraad van CVO Skool Pretoria het ook die geleentheid bygewoon, en die graf van oom Paul, asook ander volkshelde, is ryklik versier deur blomme en kranse wat deur verskeie organisasies geplaas is. Foto: Van links na regs, Hattinie Freyer, Marné Scholtz, Anien Deur: Die Vryburger
Read more
  • 0

Esidimeni-tragedie: ‘Ons is jammer’

Levy Mosenogi, die hoofdirekteur van beplanning by die Gautengse departement van gesondheid. Foto: ANA

Die trane het Woensdag gevloei toe die hoofdirekteur van beplanning by die Gautengse departement van gesondheid om verskoning gevra het oor die oorplasing van Esidimeni-pasiënte na NRO’s wat tot die dood van 118 psigiatriese pasiënte gelei het.

Levy Mosenogi het aan die arbitrasievoorsitter, adjunkhoofregter Dikgang Moseneke, gesê hy probeer sy bes, maar daar lê ʼn massiewe taak voor hom. “Dit was moeilik vir my. Ek wil jammer sê aan almal wat geraak is. Ek aanvaar ek het mense seergemaak. Ek het met die families gepraat, maar hulle het op my geskree en ons kon mekaar nie vind nie. Ek vra om verskoning namens myself, my kollegas en die departement van gesondheid,” het hy gesê.

Families van die oorledenes het hardop gesnik terwyl Mosenogi gepraat het. “Ek weet julle moet steeds genees. Ek moet self ook nog genees.”

ʼn Emosion…

Read more
  • 0

[Foto’s] Diewe ‘waag lewe’ om kabels by sinkgat te steel

Foto: Verskaf

“Sinkgate en kabeldiefstal is die grootste probleme in my wyk en gister het albei ons tegelyk getref.”

Dit is die woorde van rdl. Ina Strydom nadat sy en ʼn span werkers Dinsdag reg deur die dag moes spook om naby ʼn nuutgevormde sinkgat in Thaba Tshwane (Voortrekkerhoogte) kragkabels te herstel wat gesteel is.

Strydom het Woensdag aan Maroela Media gesê vier hoofstroomkragkabels is in die vroeë oggendure in ʼn afgeleë en digbebosde gebied tussen Thaba Tshwane en Valhalla in Centurion gesteel.

“Die krag na Thaba Tshwane, 1 Militêre hospitaal en die Atteridgeville-gevangenis het tussen 02:00 en 03:00 afgegaan. Nagenoeg 50 m van elke draad, 200 m in totaal, is afgesaag en gesteel om verkoop te word,” het sy gesê.

Strydom het gesê toe sy en ʼn kontrakteur van die Tshwane-metro gaan ondersoek instel het om vas te stel wat die kragonderbreking veroorsaak het, het hulle die nuutgevormde sinkgat opgemerk.

“…

Read more
  • 0

Malaria-skok in Pretoria

Argieffoto. Foto: Pixabay.

Amptenare van die Tshwane-metro het ʼn ondersoek van stapel gestuur nadat gevalle van malaria in die stad se hospitale aangemeld is, sonder dat die betrokke pasiënte malariagebiede besoek het.

Rdl. Leanne de Jager, woordvoerder van Wyk 58 en lid van die stad se gesondheidsportefeuljekomitee, het Dinsdag ʼn navraag aan senior amptenare van die metro gerig nadat ʼn aantal gevalle van malaria oor die afgelope twee weke in die stad aangemeld is.

Sy het veral verwys na Kilnerpark in die Moot waar inwoners wat langs die spruit woon in ʼn hospitaal opgeneem moes word nadat hulle malaria opgedoen het sonder dat hulle in malariagebiede was.

Rina van der Grÿp, bedryfshoof van die stad se sentrum vir oordraagbare siektebeheer, het kort daarna terugvoer aan amptenare verskaf oor hul voorlopige ondersoek oor dié malariagevalle.

“Op 29 September is twee gevalle van Medicross Queenswood ontvang. Malaria is by…

Read more
  • 0