Afrikaans – Page 18 – Pretoria.ws

Reeksmoordenaar los in Pretoria wat op haweloses teer – Lyk van 5de hawelose man in Pretoria gekry

Die polisie het Woensdag die lyk van 'n vyfde hawelose slagoffer in Pretoria gekry nadat vier hawelose mans reeds die afgelope paar weke vermoor is. Brig. Mathapelo Peters, polisiewoordvoerder, sê hulle het 'n taakspan op die been gebring om die moorde te ondersoek nadat die vyfde lyk sowat 400 m van die Unisa-kampus in Muckleneuk gevind is. "Die polisie kan bevestig dat minstens vyf lyke tot dusver gekry is. Die lyke is oor die bestek van twee tot drie weke gevind, in verskillende dele van Muckleneuk in die Pretoriase middestad." Peters sê die ondersoek is steeds aan die gang, maar die polisie kan reeds bevestig dat die vermoordes almal middeljarige, hawelose mans is, wat in die nag vermoor is. Sy sê lt.genl. Elias Mawela, Gauteng se polisiehoof, het 'n taakspan op die been gebring om die moorde te prioritiseer sodat hulle kan seker maak die skuldiges word so gou moontlik gevang. Muckleneuk 'n Bebloede kombers en blou handskoen lê in die Magnoliadalpark waar …

Pa van twee veg vir sy lewe na 6 skote hom tref tydens huisinbraak

Jan Schoeman ’n pa van twee, veg vir sy lewe in die intensiewe-sorgeenheid van Netcare Montana hospitaal na rowers hom ses keer geskiet het tydens ’n huisbraak in Pretoria-Noord. Twee verdagtes het van die skiettoeneel gevlug, met slegs die gesin se TV en ’n skoolsak in hul besit. Die aanval vorm deel van die terreur wat tans daagliks teen inwoners, feitlik almal blank, in die land gevoer word. Wat veronderstel was om ’n normale weeksdag vir die Schoeman-gesin moes wees, het ontaard in ’n nagmerrie toe rowers vroegoggend by hul woning ingebreek het. Schoeman se vrou vertel dat sy besig was in die kombuis, toe sy ’n slag hoor van ’n venster wat breek. Schoeman het ondersoek kom instel en hom vasgeloop in die rowers waartydens ’n struweling ontstaan en skote afgevuur is. Sy vertel haar man is per ambulans hospitaal toe geneem, waar hy onder sedasie geplaas is, sy toestand is kritiek. Polisiewoordvoerder Kaptein Matthews Nkoadi het bevestig dat ’n saak van poging tot m…

AfriForum onthul skokkende nuus: 56 wit skoolmeisies weens ras uit Gauteng-netbalspanne gelaat

Die burgerregteorganisasie AfriForum het in Pretoria bekend gemaak dat dié organisasie die keurders vir die Gautengse o.12- tot o.18-skolespanne se puntestate bekom het. Dié puntestate bewys dat 56 wit meisies, wat volgens die keurders se beoordeling op meriete vir die spanne gekies moes word, egter weens hul ras uit die spanne gelaat is. AfriForum het reeds namens 12 van die benadeelde meisies se ouers amptelike klagtes by Netbal Suid-Afrika (NSA), Suid-Afrikaanse Skolenetbal (SASN) en Gauteng Skolenetbal (GSN) ingedien. Dié klagtes eis onder meer dat rassekwotas afgeskaf moet word en dat die benadeelde meisies skriftelik erkenning van GSN moet kry dat hulle wél op meriete gekies moes word. (Die volledige klag en die keurders se puntestate word hierby aangeheg.) AfriForum en die ouers het in hul klagtes aan die bogenoemde netbalinstellings aangedui dat, sou daar nie binne 14 dae aan hul eise voldoen word nie, ’n amptelike klag van rassediskriminsaie teen NSA by die I…

Kry Jou Volle Familieboom en Ontdek Jou Stamboom nou! Ons doen dit als vir jou.

Ons Afrikaner en Boerevolk het sedert 1652 belangrike deurbrake gemaak en baie oorkom. Dié van ons wat vandag asemhaal is van die 9de tot die 13de nageslag van hierdie aanvanklike Europese voorouers – hoofsaaklik Franse Hugenote, Nederlanders, Duitsers en Skandinawiërs.

Het U al ooit gewonder hoe presies u nageslag en familie van elkeen van hierdie voorouers is? Daardie vraag kan deur FamilieBome opgelos word.

FamilieBome bied aan u die geleentheid om ‘n lywige dokument te bekom, wat al u direkte voorouers (alle vaders en moeders van elke profile) tot by die eerstes wat hier geland het, in ‘n unieke familieboom te bind, ‘n brokkie geskiedenis oor vername persone gee, asook grafieke van elke geslag voorouers bevat.

FamilieBome bestaan uit ‘n span ervare Afrikaanse navorsers met dekades se ondervinding met die Afrikaanse voorgeslag. Enige inligting op…

Gerugte doen die rondte dat 5 DA lede slegs op die stadsraad van Pretoria dien weens hul skelmstreke met nominasies

Van die sowat 93 lede van die DA wat dien in die stadsraad van Pretoria, is da blykbaar 5 lede wat onwettig op die raad is weens bedrog met nominasies. Die vyf lede kan uitgeskakel word indien die beskuldigings teen hulle bewys word en hulle skuldig bevind sou word. Die party se federale regskommissie ondersoek glo die aangeleentheid, en indien bevind word dat die vyf lede nie korrek genomineer is nie, sal hulle as onwettige indringers beskou word. John Moodey, ’n provinsiale leier van die linkse party het bevestig dat ondersoek na die vyf persone se nominasies gedoen word. Politieke waarnemers sê dit sal goed gemoniteer word of die vyf lede, wanneer hulle moontlik skuldig bewys word, die aansienlike bedrae wat hulle wederregtelik ontvang het, gaan terugbetaal. -Die Vryburger Hierdie berig weerspieël nie noodwendig die mening van SAUK-nuus nie.

AfriForum dagvaar polisie om vir onwettige grondgryp te betaal – Polisie het versuim om hul pligte tydens ’n grondgryp naby Onderstepoort in Pretoria, uit te voer

Die verontregte eienaar van ’n plaas naby Onderstepoort in Pretoria het vandag in samewerking met AfriForum ’n dagvaarding uitgereik teen Bheki Cele, minister van polisie, om die kostes en uitgawes verbonde aan ’n dringende uitsettingsaansoek in 2018 te verhaal. Die polisie het versuim om hul pligte tydens ’n grondgryp wat op die perseel plaasgevind het, uit te voer. Die polisie het in Augustus verlede jaar geweier om dr. Motodi Maserumule by te staan om betreders te arresteer wat sy grond wederregtelik betree en begin het om strukture op te rig. Dr. Maserumule het AfriForum genader en ’n dringende hofbevel bekom wat gelas het dat die betreders verwyder word, en dat die polisie die balju daarmee behulpsaam moet wees. Dr. Maserumule en AfriForum het die Rooimiere ’n mandaat gegee om die betreders en strukture te help verwyder. “AfriForum raak betrokke by sake soos hierdie om toe te sien dat die polisie gedwing word om hulle werk te doen. Ons hoop dat hierdie eis as afsk…

Bejaardes lê ure vasgebind na plaasaanvallers inreek by hul plaashuis naby Pretoria

’n Egpaar van in hul 80’s moes heelaand vasgebind lê terwyl rowers hul plaashuis geplunder het. James (84) en Lenie Leask (87) van Boekenhoutskloofdrift, tussen Pretoria en Cullinan, kon eers Maandagoggend om 07:00 hulp ontbied toe hul werkers ingekom het. André van Heerden van die Cullinan-gemeenskapspolisiëringsforum (GPF) sê die egpaar is nie seker presies wanneer die aanvallers Sondagaand die huis ingekom het nie, maar hulle het wakker geword toe ’n flitslig in hul oë geskyn word. Dit is onbekend of die rowers gewapen was, maar daar was vermoedelik drie van hulle. Hulle het die diefwering voor een van die vensters afgeknip, waarna hulle die slapende Leasks in hul slaapkamer verras het. “Die slagoffers is met elektriese koorde vasgebind en die kamerdeur is van buite af gesluit. Daarna het die rowers deur die hele huis, byna elke laai en kas, gegrawe. “Hulle het van die drank in die huis gedrink en elektroniese toerusting, soos selfone, ’n televisie en skoot…

Pretoria FM maak planne bekend om nuwe Afrikaanse-musiek toekenningsgeleentheid te loods

Die Afrikaanse gemeenskapstasie, Pretoria FM, het pas planne bekendgemaak om ‘n nuwe Afrikaanse-musiek toekenningsgeleentheid van stapel te stuur. Die uitvoerende Hoof van Pretoria FM, Mnr Hennie Koortzen het in ‘n verklaring gesê die radiostasie het groot waardering vir die werk van alle Afrikaanse liedjieskrywers en sangers, wat deurgaans werk van hoë gehalte lewer en wil verseker dat hulle die nodige erkenning in die musiekbedryf ontvang. “Ons is verder van mening dat sulke toekennings in alle opsigte deursigtig en geloofwaardig moet wees en dat die gehalte van musiek en lirieke die enigste kriteria moet wees waarop beoordeling moet geskied”, het Koortzen bygevoeg. Pretoria FM kondig dus met trots aan dat die stasie se bestuur besluit het om ‘n splinternuwe glansgeleentheid te skep waartydens Afrikaanse musiek en kunstenaars van gehalte, beloon kan word vir die bydrae wat hulle tot musiek en die kunste in sy geheel lewer. Die nuwe toekenningsgeleentheid beloof om…

Pretoria beplan aktivering van ou kragsentrales as plan B indien Eskom nie aan die aanvraag van elektrisiteit kan voorsien

Die Stadsraad van Pretoria is glo besig om die twee ou kragsentrales van die stad op te gradeer en weer in werking te stel in die lig van die onsekerheid oor kraglewering deur Eskom. Een kragsentrale in die westelike deel van die stad en die Rooiwal kragstasie beskik oor die gesamentlike potensiaal om 1,000 MW krag te lewer as hulle opgradeer word. Die twee aanlegte is aanvanklik opgerig om met antrasiet te werk, maar omdat die uitvoer prys daarvan baie goed is, het dit meer voordeel ingehou as wat dit met elektrisiteit opwekking is. Die omskakeling na steenkool kan bekostigbaar wees, maar inwoners sê die opgradering moet ook die versekering bied dat lugbesoedeling nie die stad onleefbaar maak nie. Deur: Die Vryburger Hierdie berig weerspieël nie noodwendig die mening van SAUK-nuus nie.

Die myn wat die wêreld se grootste diamant gelewer het, het nou weer ’n groot blinke uitgehaal – Nog ’n knewel van ’n diamant gevind by Cullinan

Cullinan, die klein dorpie oos van Pretoria is gewoonlik net in die nuus as daar nog ’n knewel van ’n diamant gevind is soos wat nou weer die geval is. Die myn, wat die wêreld se grootste diamant gelewer het, het nou weer ’n groot blinke gelewer – bykans ’n eeu nadat die opspraakwekkende diamant gevind is wat tans in besit van die koninklike forste huis van Brittanje is. Die Petra myn se jongste fonds het sy aandele op die beurs laat spring met 7% tot die vreugde van sy eienaars in ’n tyd wat die diamantbedryf maar ’n minder goeie tyd deurmaak. Volgens die Petra Diamonds se webtuiste is die diamant ’n tipe D kleur en 425.19 karaat, wat een van die groter diamante is wat die wêreld tot dusvêr opgelewer het. Die wêreld se grootste diamant is ook uit Cullinan afkomstig, en met 1,055.89 karaat, is die pragstuk die eiendom van die Koninklike Huis van Koningin Elizabeth in Engeland. Deur: Die Vryburger