Afrikaans – Page 21 – Pretoria.ws

Grafmonument van president Paul Kruger geskend

Die grafmonument van president Paul Kruger op die Heldeakker in Pretoria is beskadig. Die Vryburger is in kennis gestel dat die kopstuk afgebreek is deur onbekendes. Pretoria munisipaliteit het op die beskadigde beeld afgekom en die kopstuk in hulle stoor geberg. Dit is nog nie seker wat nou daarmee gaan gebeur nie, maar die verwagting is dat volksorganisasies sal inspring en seker maak dat die graf en standbeeld herstel sal word. Deur: Die Vryburger

Jes die brawe boerboel hou skurk in swembad aan

’n Voornemede dief het sy rieme lelik styfgeloop toe hy Sondagoggend by Hartbeespoort deur ’n boerboel tot in die swembad ingejaag en daar aangehou is. Huiseienaar Jody Gabrielson was besig om televisie te kyk in sy huis in Ou Wapad in Ifafi toe die skelm omstreek 01:00 oor sy muur gespring het. “Hy het Jes, ons boerboel, wakker gemaak en ek het haar hoor blaf. Toe ons by die venster uitkyk, sien ons hoe hy oor die muur klim, maar toe hy grond vat, toe is Jes by hom,” het Gabrielson gesê. Die man het probeer wegkom van Jes en sy het hom die swembad ingejaag. “Toe ek buite kom, sit sy op die rand van die swembad en knor vir die oortreder as hy beweeg. Toe ek haar roep toe spring hy uit die swembad en hardloop na ‘n muur tussen my en die bure. Wat hy nie geweet het nie, was dat daar ‘n paar pitbulls aan die anderkant gewag het. Hy het vinnig van plan verander en na my teruggedraai en met ‘n byl op my afgestorm.” ‘n Struweling het ontstaan en Gabrielson se vrou het…

Strate van Pretoria vandag gesluit weens beplande optog

’n Beroep is gedoen op motoriste deur die Tswane-metropolisie om kennis te neem van ’n beplande optog vandag wat verkeer in die Pretoria gebied erg kan ontwrig. Woordvoerder van die metropolisie, Snr.supt. Isaac Mahamba het tydens ’n verklaring gesê dat die protestors onder die vaandel van die regering se kommunikasiediens (GCIS) se #100MenMarch, gaan begin saamkom vanaf 08:00 by ŉ oop gedeelte in Schubartpark, naby Kerkplein,. Die betogers beoog om 10:00 vanaf die hoek van Kgosi Mampuru- en Madibastraat, in Madibastraat reguit te beweeg tot by die Uniegebou. Al die kruisings in Madibastraat tot by die Uniegebou sal tydelik deur die optog geraak word. Volgens Mahambe behoort die betogers omstreeks 14:00 by die Uniegebou uiteen te gaan. “Metropolisiebeamptes sal ontplooi word om die betoging en strate wat geraak word te monitor. Motoriste word aangeraai om van alternatiewe roetes gebruik te maak,” het Mahamba gesê. GCIS se #100MenMarch word gehou om teen geweld te…

Plaasaanval: Terroriste skiet man voor sy dogter, verloofde

'n Man is Woensdag in die vroeë oggendure ten aanskoue van sy sesjarige dogter en sy verloofde geskiet toe inbrekers toegang tot hul huis op ’n plaas in Leeuwfontein naby Roodeplaat in Pretoria wou verkry. Jonty Jacobs (28) is verskeie kere raakgeskiet toe hy op die aanvallers geskree het. Hy is in ’n kritieke toestand na die Steve Biko- akademiese hospitaal geneem. “Hy het tussen 02:00 en 03:00 wakker geword toe iemand die houtraam van die venster probeer oopbreek het,” sê Ian Cameron, die burgerregte-organisasie AfriForum se hoof van gemeenskapsveiligheid. “Hy is meer as een keer getref, vermoedelik ook in die ruggraat. “Hulle het ’n week of twee gelede verloof geraak,” sê hy. Sers. Portia Maleka, polisiewoordvoerder, sê die polisie het Woensdag omstreeks 03:00 gereageer op die voorval. Sy sê ’n aantal aanvallers het toegang tot die huis verkry deur ’n venster voor in die huis. “Toe hulle binne die huis was, het hulle vir Jacobs binne die huis gevind. …

Jong vrou by Voortrekkermonument verkrag

’n Negentienjarige vrou is verkrag by die Voortrekkermonument in Pretoria Woordvoerder van die polisie Kapt. Augustinah Selepe, het die voorval bevestig en gesê dat die insident Saterdagoggend omstreeks 08:00 plaasgevind. Bert Visser, operasionele bestuurder van die Voortrekkermonument, het gesê dat die vrou se ma-hulle het ŉ stalletjie gehad by die antiek-en-versamelaarsmark wat Saterdag by die monument aangebied is. “Haar ma het haar gevra om na haar sussie te gaan soek en sy het na die Assegaai-badkamers se kant toe geloop. Hulle is besig om herstelwerk aan daardie badkamers te doen en dit is afgesper. Die aanvaller het haar toe glo daar genader en in die maag geslaan en opdrag gegee om saam met hom na die Skool op Wiele se badkamers te gaan,” vertel Visser gesê. Die slagoffer het bekend gemaak dat die man ’n swart klapmus, swart handskoene en swart klere aangehad het. Na bewering het hy haar in die eerste hokkie van die badkamers verkrag en na die tyd opdrag geg…

Twee vroue ontvoer in Montana, losprys geëis

Twee vroue het 'n nag van terreur oorleef nadat hulle in die noorde van Pretoria ontvoer . Marelize Taljaard en Melonie Booysen is glo gisteraand gekaap, net buite een van die vrouens se woonplek in Montana. Johan van Dyk, polisiewoordvoerder van Sinoville, het gesê die kapers het albei vroue in Booysen se Toyota Corolla gevange geneem. "Die twee vroue het glo omstreeks 20:00 gekuier buite die woonhuis in Montana nadat een van die vrouens se man weg was om kos te koop," het Van Dyk gesê. "Nadat die man teruggekeer het, het hy gevind sy vrou is weg. Haar selfoon is binne-in die huis gevind, en hy het dadelik geweet iets is verkeerd. ' Kort nadat die vroue verdwyn het, het die Eblockwatch-gemeenskapswaggroep die inwoners regoor Pretoria gewaarsku. SMS-boodskappe en sosiale mediaposte is na meer as 6 000 Eblockwatch-lede gestuur om na die vroue en die gekaapte voertuig te kyk, volgens André Snyman, die stigter van Eblockwatch. "Die kapers het glo een van die …

Betogers versper paaie rondom Pretoria met klippe en buitebande

Betogers het Dinsdag talle besige paaie rondom Pretoria met klippe en buitebande versper. Sefako Makgatho- en Molefe Makinta- rylaan in Mabopane, die M17 langs Soshanguve en die N4 in Atteridgeville is deur die gewelddadige betogings geraak. Daar word beweer dat die betoging in Atteridgeville met taxi-kwessies verband hou, terwyl die betogings in Mabopane en Ga-Rankuwa glo uit ŉ gebrek aan dienslewering spruit. Woordvoerder van die Tshwane-metropolisie, Isaac Mahamba, het gesê metrobeamptes is besig om die geaffekteerde gebiede te monitor om te verseker dat inwoners nie verder ontwrig word nie. “Ons is bewus daarvan dat die meeste van die pendelaars in hierdie areas deur die betogings geraak is omdat sommige van die taxi’s en busmaatskappye hulle aan hierdie gebiede onttrek het, maar ons sal seker maak dat al die bedrywighede weer herstel word.” Metropolisiebeamptes moes vroeër rubberkoeëls afvuur om ŉ skare wat die M17 in Soshanguve versper het uitmekaar te jaag,…

Afrikaanse koshuis name by Tukkies moet nou ook tranformeer

Die Universiteit van Pretoria is besig om sy koshuisname, wat merendeels Afrikaans is, te verander omdat dit in die pad staan van transformasie en inklusiwiteit. Huis Olienhout, Huis Madelief, Huis Boekenhout?. Dit is van die koshuise aan die Universiteit van Pretoria wat voor volgende jaar hul naam moet verander. Volgens die universiteit se kommunikasie aan studente moet alle koshuisname teen volgende jaar verander na name wat nie “deur een taal of ’n ander oorheers word nie”. “Die doel is om studente te laat tuis voel in die koshuisomgewing en om struikelblokke wat in die weg staan van studente se aanvaarding van en waardering vir mekaar uit die weg te ruim,” sê Rikus Delport, UP-woordvoerder. Hy sê die idee is nie om van alle Afrikaanse koshuisname ontslae te raak nie, maar om meertaligheid en diversiteit van kultuur te bevorder. Koshuise aan die universiteit het tradisioneel Afrikaanse boom- of blomname gekry soos Jasmyn, Madelief, Mopanie en Boekenhout. Kosh…

Valke teiken verkeerde huis en skiet Pretoria man dood

Polisielede wat 'n bende transitorowers gejag het, het 'n Pretoriase huiseienaar doodgeskiet toe hulle glo op die verkeerde huis toegeslaan het, het TimesLive berig. Nóg mense, glo 'n polisieman wat wou help en drawwers, is na bewering gewond in die insident in Kilnerpark, volgens die berig in TimesLive. Alet van der Walt het vroeër berig die Valke het Donderdagaand saam met lede van die polisie se taakspan en misdaadintelligensie drie vermeende transitorowers in hegtenis geneem. Kapt. Ndivhuwo Mulamu, die Valke se woordvoerder, sê die drie is in hierdie stadium hul hoofverdagtes in verband met die onlangse vlaag van transitorooftogte. Die ondersoek is nog aan die gang, so hulle sal eers Vrydagoggend – wanneer hulle die verdagtes se identiteitsnommers bevestig het – kan sê of hulle aan enige ander misdade verbind word. Daar was die afgelope week vyf transitorooftogte in Gauteng, terwyl rowers ook Donderdagmiddag laat ’n geldwa buite Barberton in Mpumalanga beroof he…

Voortrekker meisies word aangeval by die Voortrekkermonument in Pretoria

“Dis jammer dat kinders weens die misdaadsituasie in ons land nie meer gewone dinge kan doen nie. ’n Mens is oral weerloos, maak nie saak hoe goed jy voorsorg tref nie.” Dr. Danie Langner, hoofleier van die Voortrekkers, het Sondag só gereageer nadat ’n groep gr. 7-meisies Vrydagaand op ’n Voortrekkerkamp by die Voortrekkermonument in Pretoria aangeval is. Een van die offisiere wat by die meisies was, is van haar handsak en selfoon beroof en moes steke kry nadat die rower haar aangerand het. Die meisies van die Klapperkop-kommando is nie beseer nie, maar erg getraumatiseer. Arden du Plessis (13) het vertel hoe iemand hulle tydens ’n nagwag omstreeks 23:00 vanuit die bosse met klippe bestook het. “Toe storm hy met ’n doringtak in sy hande uit die bosse. Hy het ons omgestamp.” Die aanvaller het die een offisier platgeduik en haar begin slaan. “Daar was baie bloed,” sê Arden. Die rower het kort daarna gevlug, en die kinders het voertuie daar naby voorgekeer. “Ons is ge…