Afrikaanse – Page 6 – Pretoria.ws

Betogers versper paaie rondom Pretoria met klippe en buitebande

Betogers het Dinsdag talle besige paaie rondom Pretoria met klippe en buitebande versper. Sefako Makgatho- en Molefe Makinta- rylaan in Mabopane, die M17 langs Soshanguve en die N4 in Atteridgeville is deur die gewelddadige betogings geraak. Daar word beweer dat die betoging in Atteridgeville met taxi-kwessies verband hou, terwyl die betogings in Mabopane en Ga-Rankuwa glo uit ŉ gebrek aan dienslewering spruit. Woordvoerder van die Tshwane-metropolisie, Isaac Mahamba, het gesê metrobeamptes is besig om die geaffekteerde gebiede te monitor om te verseker dat inwoners nie verder ontwrig word nie. “Ons is bewus daarvan dat die meeste van die pendelaars in hierdie areas deur die betogings geraak is omdat sommige van die taxi’s en busmaatskappye hulle aan hierdie gebiede onttrek het, maar ons sal seker maak dat al die bedrywighede weer herstel word.” Metropolisiebeamptes moes vroeër rubberkoeëls afvuur om ŉ skare wat die M17 in Soshanguve versper het uitmekaar te jaag,…

Afrikaanse koshuis name by Tukkies moet nou ook tranformeer

Die Universiteit van Pretoria is besig om sy koshuisname, wat merendeels Afrikaans is, te verander omdat dit in die pad staan van transformasie en inklusiwiteit. Huis Olienhout, Huis Madelief, Huis Boekenhout?. Dit is van die koshuise aan die Universiteit van Pretoria wat voor volgende jaar hul naam moet verander. Volgens die universiteit se kommunikasie aan studente moet alle koshuisname teen volgende jaar verander na name wat nie “deur een taal of ’n ander oorheers word nie”. “Die doel is om studente te laat tuis voel in die koshuisomgewing en om struikelblokke wat in die weg staan van studente se aanvaarding van en waardering vir mekaar uit die weg te ruim,” sê Rikus Delport, UP-woordvoerder. Hy sê die idee is nie om van alle Afrikaanse koshuisname ontslae te raak nie, maar om meertaligheid en diversiteit van kultuur te bevorder. Koshuise aan die universiteit het tradisioneel Afrikaanse boom- of blomname gekry soos Jasmyn, Madelief, Mopanie en Boekenhout. Kosh…

Valke teiken verkeerde huis en skiet Pretoria man dood

Polisielede wat 'n bende transitorowers gejag het, het 'n Pretoriase huiseienaar doodgeskiet toe hulle glo op die verkeerde huis toegeslaan het, het TimesLive berig. Nóg mense, glo 'n polisieman wat wou help en drawwers, is na bewering gewond in die insident in Kilnerpark, volgens die berig in TimesLive. Alet van der Walt het vroeër berig die Valke het Donderdagaand saam met lede van die polisie se taakspan en misdaadintelligensie drie vermeende transitorowers in hegtenis geneem. Kapt. Ndivhuwo Mulamu, die Valke se woordvoerder, sê die drie is in hierdie stadium hul hoofverdagtes in verband met die onlangse vlaag van transitorooftogte. Die ondersoek is nog aan die gang, so hulle sal eers Vrydagoggend – wanneer hulle die verdagtes se identiteitsnommers bevestig het – kan sê of hulle aan enige ander misdade verbind word. Daar was die afgelope week vyf transitorooftogte in Gauteng, terwyl rowers ook Donderdagmiddag laat ’n geldwa buite Barberton in Mpumalanga beroof he…

Voortrekker meisies word aangeval by die Voortrekkermonument in Pretoria

“Dis jammer dat kinders weens die misdaadsituasie in ons land nie meer gewone dinge kan doen nie. ’n Mens is oral weerloos, maak nie saak hoe goed jy voorsorg tref nie.” Dr. Danie Langner, hoofleier van die Voortrekkers, het Sondag só gereageer nadat ’n groep gr. 7-meisies Vrydagaand op ’n Voortrekkerkamp by die Voortrekkermonument in Pretoria aangeval is. Een van die offisiere wat by die meisies was, is van haar handsak en selfoon beroof en moes steke kry nadat die rower haar aangerand het. Die meisies van die Klapperkop-kommando is nie beseer nie, maar erg getraumatiseer. Arden du Plessis (13) het vertel hoe iemand hulle tydens ’n nagwag omstreeks 23:00 vanuit die bosse met klippe bestook het. “Toe storm hy met ’n doringtak in sy hande uit die bosse. Hy het ons omgestamp.” Die aanvaller het die een offisier platgeduik en haar begin slaan. “Daar was baie bloed,” sê Arden. Die rower het kort daarna gevlug, en die kinders het voertuie daar naby voorgekeer. “Ons is ge…

Huiseienaar word gedreig nadat hy 2 rowers afmaai by sy woning

Jy is ’n moordenaar! Ons gaan jou doodmaak, jou moordenaar! -Dít was die woorde van ’n groep mense wat Maandagoggend voor ’n huis in Lynnwoodrif, Pretoria, bymekaargekom het nadat die huiseienaar Saterdag twee rowers by dié huis doodgeskiet het. Die huiseienaar het intussen Maandag ’n klag van intimidasie by die Garsfontein-polisiekantoor ingedien. Luidens sy verklaring aan die polisie het sy tuinwerker hom omstreeks 10:00 geroep en gesê daar is “baie mense voor die hek wat lawaai” en dat hy moet gaan ondersoek instel. Buite sy hek het hy tien mense gesien, onder wie vier vroue. Intussen het ’n veiligheidsbeampte van Interactive Security op die toneel opgedaag. Die mense het op die huiseienaar geskree en hom ’n moordenaar genoem. Een vrou het geskree: “Jy is ’n moordenaar! Nou het ons jou adres. Ons sal jou doodmaak, jou moordenaar,” lui die polisieverklaring. Hy het die veiligheidsbeampte gevra om die polisie te ontbied, waarna die groep mense in hul voert…

EFF: As die Stad Tshwane nie die standbeeld van Paul Kruger van Kerkplein af verwyder nie,sal ons dit doen

“Ons doen ’n belangrike beroep op die Stad Tshwane, as hoofstad van die land, om Madikizela-Mandela te vereer. Sy het ’n enorme bydrae tot die land gelewer en word nie genoeg daarvoor vereer nie,” het Mabogoane Donderdag by navraag gesê. Hy sê die EFF het die Tshwane-metro twee opsies gegee: Kruger se standbeeld word óf verskuif na ’n ander plek, of word heeltemal gesloop. “Ons vra nog altyd dat die standbeeld verwyder word. Dit is ’n belediging vir swart mense. Indien die stad dit nie verwyder nie, sal ons dit self doen, ons het dit al voorheen gedoen.” Mabogoane sê hulle het in die stadium nie ’n sperdatum vir die stad om die standbeeld te verwyder nie, maar hulle is ernstig oor die saak. Hy sê dit is deel van die EFF se mandaat om ontslae te raak van alle simbole en standbeelde wat aan apartheid gekoppel is. Intussen het die VF Plus in ’n verklaring gesê hy distansieer hom van die EFF se versoek dat die standbeeld van Kruger vervang moet word met dié van Madik…

Vroulike motoris van Pretoria gedood tydens rooftog

‘n Vroulike motoris is gedood tydens ‘n kontantwa roof in Pretoria Noord. ‘n Skietgeveg tussen Fidelity wagte en die rowers het gelei tot haar dood toe sy getref is deur ‘n koeël. Dit is die soveelste kontantwa roof in die afgelope weke en die rowers het gevlug met ‘n onbekende bedrag kontant. Die geldwa is opgeblaas en twee ander voertuie is beskadig. Kenners meen dat dit tyd word dat daar van “spookwaens” gebruik gemaak word om diegene in lokvalle te lok waar hulle summier doodgeskiet kan word. Deur: Die Vryburger

Pretoria tot stilstand gebring deur vullisverwyderaars van SAMWU

Verkeer in Pretoria sentraal is tot stilstand gebring laas week deur protesoptogte van van vullisverwyderaars wat aan SAMWU vakverbond behoort. Die werkers kla dat hulle in onveilige werkstoestande verkeer en vrees vir die moontlike opdoen van siektes. Persoonlike beskermingstoerusting word geis vir alle werkers, terwyl hulle ook nuwe vullisverwydering vragmotors eis.

Skoolhoof van Pretoria maak verskil in lewens van skoolkinders

“Elke oggend kan ek nie wag om by die skool te kom nie en te kan weet ek het die lekkerste broodjies by die skool en dan 1ste pouse kry ek ook nog ’n lekker bord kos. Dit gaan nie altyd so lekker by die huis nie. Maar ek weet ek word darm (sic) versorg elke dag en nag.” Een van die kinders van die Laerskool Genl. Nicolaas Smit in Pretoria wat geduldig in ’n ry staan en wag vir ’n bord kos – wat waarskynlik haar enigste vir die dag sal wees – het dié briefie geskryf. Sy is een van 360 kinders wat by die skool eet, want haar ouers het geen inkomste nie. “Tannie, tannie, dit voel of ek by ’n restaurant eet,” kom spog ’n klein graad 4-meisietjie oor haar bord kerrie-en-rys. Sy maak haarself sit net neffens my en begin met groot genoegdoening eet. Van die ander kinders storm baldadig op die Taalgenoot-fotograaf af. “Neem my af, oom. Neem my af!” Dit lyk nie of die feit dat daar nie kos by die huis is nie, hulle vreugde demp nie. ’n Skeppie kerrie-en-rys stil die honge…

Kleinfontein – Ons God, Ons Volk, Ons Land

Kleinfontein is 'n nedersetting naby Pretoria, wat in 1992 deur Afrikaners as 'n kulturele dorp gestig is. Dei dorp is gestig deur afstammelinge van die oorspronklike Voortrekkers of Boere wat selfbeskikking gesoek het in 'n outonome Volkstaat. Die kriteria om in Kleinfontein te woon, is gebaseer op kulturele, taalkundige, tradisionele en godsdienstige oortuigings. Die inwoners van die dorp assosieer hulself met die Voortrekker-geskiedenis, die Bloedrivierverbond en ander "historiese feite wat verband hou met ons stryd om onafhanklikheid vir die Afrikaners." Vanaf 2012 het Kleinfontein een van Suid-Afrika se oorblywende blanke alleen-nedersettings geword en is deur die Gautengse wetgewer as 'n kulturele gemeenskap erken. Die grond wat oos van Pretoria geleë is en vandag as Kleinfontein bekend staan het in 1988 tydens die viering van die 150ste herdenking van die Groot Trek onder Afrikaneraktiviste se aandag gekom. Die plaas het hul aandag getrek omrede dit as ’n …